बोध.. मी माणूस असल्याचा!

बोध 

कविता आणि प्रेम या दोनच गोष्टी आहेत,

जिथे मला 'मी' माणूस होण्याचा बोध होतो.

अविरत चालत राहणार्‍या या प्रवासात,

मी शून्यवत होत चालल्याचा भास होतो. 

विचारांच्या गर्तेत अडकलेल्या आयुष्यात,

घडणार्‍या घटनांवर अविश्वासाचा ठराव होतो. 

बोथट भावनांचा पूर अन शोधार्थाची परिक्रमा,

माझ्याच समुद्रमंथनातून अविचारांचा र्‍हास होतो.

नवअंकुरित आत्मबीजाचा स्वार्थत्याग करत,

शांतीच्या गर्भात नव जाणिवांचा उषःकाल होतो.

माझ्यात पुन्हा पुन्हा 'मी'

माणूस असल्याचा बोध होतो.

                                                      - तेजश्री शिंदे