माझ्या कवितेच्या "रानफुला"

नाही तुला माळेत जागा,

नाही देवघरातली साज सज्जा,

तरीही तू बहरतोस

माझ्या शब्दांच्या मोकळ्या रानात..

कधी एकटा बसतोस पानगळीखाली,

कधी पावसात चिंब भिजतोस,

तुझं सौंदर्य इतकं अलवार,

आणि तरीही — ओसाडावर खुलतोस 

लोक विचारतात कवितेचा अर्थ,

मी फक्त तुझ्याकडे पाहते...

माझ्या कवितेच्या रानफुला

मोकळ्या मनाच्या संवेदना. 

नाहीस तू शोभेचा गुलाब,

पण आहेस माझी —

मनाच्या जमीनीवर

स्वतःहून उगवलेली कविता.

                                      - तेजश्री शिंदे ✍️