कॅथॉरसिस..सुप्त विचारांची घुसळंण!

 कॅथॉरसिस

सहज निर्माण झालेली पोकळी 

शोधत रहाते बंध-अनुबंध 

का? कशासाठी? कुणास ठाऊक

ते दोन शब्द सुद्धा उभारी देवून जातात,

पण..

ती वेळ देखील येवू पहात नाही.

आपण जखडत चाललो आहोत,

प्रेमात; मोहात नि गुरफटून गेलोय स्वतःत,

हे समजण्या पलीकडचे जग..

उलगडून पाहण्याचे धैर्य... कोठून आणू ?

तुला समजावून सांगणे आता

कठीण होऊन बसले आहे,

शब्द थिटे पडत आहेत..अन् घसा कोरडा,

हे अनोळखी शब्द कोडे 

कधीच उलगडणार नाही का ?

हा कॅथॉरसिस काय देवू पहात आहे? 

ही घुसळंण थांबतच नाही 

प्रश्नांवर उत्तरे शोधणे... हा प्रवास 

आपल्या जिवंतपणाचे लक्षण 

आपण सहप्रवासी या युगाचे 

कि... युगा-युगान्तराचे 

ही क्षण भंगुर पोकळी 

दोन विचारांमधला उच्छ्वास...!

                                                  - तेजश्री शिंदे