रातराणी.. नाजूक हळव्या भावनांची !

 

रातराणी

गोड गुलाबी 

 यामी फुलते 

रातराणी ती 

गाली हसते 

वाऱ्याला ही 

भरते कापरे 

रातगंध तव 

बेभान पसरे 

आकाशी चा 

चंद्रही खुलला

तिच्या यौवना

तोही भुलला 

अशी नाजूका

शुभ्र कांतीची 

जणू प्रेमिका 

त्या रात्रीची

 जणू प्रेमिका 

त्या रात्रीची..

                                - तेजश्री शिंदे 

- काही गोष्टी इतक्या नाजूक आणि सुंदर असतात की त्यांचा नुसता सहवास देखील सुखावतो. त्यांचे अस्तित्व आपले आयुष्य सुगंधीत करून जाते... या नाजूक फुलासारखी हळव्या मनाची अनेक नाती आपण आयुष्यभर कोणत्याही कारणाशिवाय अतिशय निःस्वार्थ भावनेने जपत रहातो. अशाच खास व्यक्तींसाठी ही नाजूक, हळवी  कविता... रातराणी !