ओनामा (Onama)

  पुन्हा एकदा प्रेम करावे. वसंत बहरून आला परतून  हाक मारण्या प्रिय नसावा.. दबकत यावे स्वप्नांनी त्या  कासावीस तो जीव दिसावा.. पुन्हा एकदा बहरावे का? का? पुन्हा एकदा प्रेम करावे..                                     विसरून सारे परतून यावे  पुन्हा एकदा अंकुरित व्हावे.. फुलवावा मधुमास असा की शब्द सुगंधी उमलून यावे..  पुन्हा एकदा बहरावे अन्  पुन्हा एकदा प्रेम करावे.. ओंजळीतले रिते करूनी  विश्वासाने पुन्हा भरावे.. अवचित सारे घडले तरीही  देणाऱ्याचे हात व्हावे.. पुन्हा एकदा बहरावे अन्  पुन्हा एकदा प्रेम करावे..                                            - तेजश्री शिंदे 

  कोनशिला   बुद्धिस्ट हायस व्हय.. अचानक आलेल्या या प्रश्नाने  मी बुचकळ्यात पडले. न्हाई ते स्टेटस ठिवलया ना तुम्ही आज  म्हणुन ईचारल, तुम्ही आमच्यातलेच ना?  मी वाचलाय बुद्ध आणि विचारातही उतरवला, पण अंगवळणी पडायचा राहूनच गेला. किंबहुना नाहीच समजून घेतला, कि जमलाच नाही आत्म्यावर कोरून ठेवायला. छे! बुद्धिहीन गलबतात फसून राहिलेला  माझ्या विचारांचा आसमंत मळभ चढलेला  तिच्या एका प्रश्नाने प्रभावहीन भासला. वाचन देत जाते अनुभूती अनेक अंगांची पण विचार, विकास यावर परिणाम होतोच  संस्कृती, इतिहास आणि तत्कालीन घटनांचा  काही गोष्टी या जाणीवपूर्वक झुगारून देण्याचा  प्रयत्न करत रहावा लागतो सातत्याने... तेव्हाच सहजतेने सामोरे जाता येईल तिच्या प्रश्नाला  आणि नव्याने पाहता येईल जातीची कोनशिला  जी हजारो वर्षांपासून उभी आहे... तिच्या-माझ्या विचारांच्या प्रवासात..!                                                       ...